ബല്‍ജിയന്‍ സംവിധായകരായ ഡാര്‍ഡന്‍ സഹോദരന്മാര്‍ അധ്വാനവര്‍ഗത്തില്‍ നിന്നാണ് എപ്പോഴും തങ്ങളുടെ കഥാപാത്രങ്ങളെ കണ്ടെത്തുന്നത്. വിഷാദരോഗം കാരണം കമ്പനിയില്‍ നിന്ന് പുറത്താക്കപ്പെട്ട ഒരു യുവതി ജോലി തിരിച്ചുകിട്ടാന്‍ നടത്തുന്ന പരിശ്രമങ്ങളാണ് ' ടൂ ഡെയ്‌സ് , വണ്‍ നൈറ്റ് ' എന്ന പുതിയ സിനിമയില്‍ അവര്‍ ആവിഷ്‌കരിക്കുന്നത്്
http://www.mathrubhumi.com/movies/long_shots/551317#storycontent
ഫിന്നിഷ് സംവിധായകന്‍ അകി കോറിസ്മാക്കിയുടെ അതേ വിശ്വാസധാരയിലാണ് ബല്‍ജിയന്‍ സംവിധായകരായ ഡാര്‍ഡന്‍ സഹോദരന്മാര്‍. സമൂഹത്തിലെ അടിത്തട്ടില്‍ കഴിയുന്ന തൊഴിലാളി വര്‍ഗത്തില്‍പ്പെട്ടവരാണ് മൂന്നു പേരുടെയും സിനിമകളിലെ കഥാപാത്രങ്ങള്‍. ധാരാളിത്തത്തില്‍ ജീവിക്കുന്നവരല്ല ഈ കഥാപാത്രങ്ങളൊന്നും. ദുരിതം നിറഞ്ഞ വഴികളിലൂടെ കടന്നുപോകുന്നവരാണവര്‍. വലുതായൊന്നും ആഗ്രഹിക്കാത്തവര്‍. നിസ്വമായ ചുറ്റുപാടുകളില്‍ അവരങ്ങനെ രണ്ടറ്റവും മുട്ടിക്കാന്‍ പാടുപെടുന്നു. ഈ പ്രാരാബ്ധങ്ങള്‍ക്കിടയിലും അവര്‍ പരസ്പരം വെറുക്കുകയും സ്‌നേഹിക്കുകയും ചെയ്യുന്നുണ്ട്. എവിടെയോ ചില നന്മകള്‍ സൂക്ഷിക്കുന്നുണ്ടവര്‍. തെരുവിലെ ഷൂ പോളീഷുകാരനും ട്രക്ക് ഡ്രൈവറും ഹോട്ടല്‍ത്തൊഴിലാളിയും ഇറച്ചിവെട്ടുകാരിയും തീപ്പെട്ടിക്കമ്പനി ജീവനക്കാരിയുമൊക്കെയാണ് കോറിസ്മാക്കിയുടെ നായികാനായകന്മാര്‍. ഡാര്‍ഡന്‍ സഹോദരന്മാരും തൊഴിലെടുക്കുന്നവരെയാണ് തങ്ങളുടെ ചിത്രങ്ങളിലൂടെ ഉയര്‍ത്തിക്കാട്ടുന്നത്.
ഡാര്‍ഡന്‍ സഹോദരന്മാരുടെ ഒമ്പതാമത്തെ സിനിമയാണ് ' ടൂ ഡെയ്‌സ് , വണ്‍ നൈറ്റ് ( Two days, one night ). പ്രശസ്തമായ കാന്‍ ഫിലിം ഫെസ്റ്റിവലില്‍ എപ്പോഴും ആദരിക്കപ്പെടുന്നവരാണിവര്‍. ഴാങ് പിയറെ ഡാര്‍ഡന്‍ , ലുക് ഡാര്‍ഡന്‍ എന്നീ ഡാര്‍ഡന്‍ സഹോദരന്മാരുടെ ഏറ്റവും പുതിയ സിനിമയിലും തൊഴിലാളികളുടെ ജീവിതമാണ് വിഷയമാകുന്നത്. തൊട്ടുമുമ്പ് 2011 ല്‍ പുറത്തിറങ്ങിയ ' കിഡ് വിത്ത് എ ബൈക്ക് ' ( Kid with a bike ) എന്ന സിനിമയില്‍ നിന്ന് വ്യത്യസ്തമായ അന്തരീക്ഷമാണ് ' ടൂ ഡെയ്‌സി ' ല്‍ നമ്മള്‍ കാണുന്നത്. എങ്കിലും പറയാനുള്ള വിഷയം ഒന്നുതന്നെ. വീട്ടില്‍ നിന്ന് ഒളിച്ചോടി അച്ഛനെ കാണാനെത്തി ഹതാശനാകുന്ന പന്ത്രണ്ടുകാരന്‍ സിറില്‍ ആണ് 'കിഡി ' ലെ പ്രധാന കഥാപാത്രം. മകനെ സ്‌നേഹിക്കുന്നുണ്ടെങ്കിലും ജീവിച്ചുപോകാനുള്ള വെപ്രാളത്തില്‍ അവന്റെ സംരക്ഷണം ഏറ്റെടുക്കാന്‍ റസ്റ്റോറന്റ്്് ജീവനക്കാരനായ അച്ഛനു കഴിയുന്നില്ല.
ഇവിടെ അച്ഛന്റെയും അമ്മയുടെയും സ്‌നേഹം സിറിളിന് കിട്ടുന്നത് സാമന്ത എന്ന ഹെയര്‍ ഡ്രസ്സറില്‍ നിന്നാണ്. സിറിളിന്റെ ശാഠ്യങ്ങളും വഴിതെറ്റിയ കൂട്ടുകെട്ടുകളുമൊക്കെ ശാന്തമായ മനസ്സോടെ തിരുത്തിക്കൊടുക്കാന്‍ ആവുന്നത്ര ശ്രമിക്കുന്നുണ്ട് സാമന്ത. തട്ടിമുട്ടിപ്പോകുന്ന ജീവിതത്തിനിടയിലും സിറിളിനുവേണ്ടി കാമുകനെ തള്ളിപ്പറയാന്‍പോലും അവള്‍ തയ്യാറാവുന്നു. ഒടുവില്‍, സ്‌നേഹത്തിന്റെ ശക്തിയെന്തെന്ന് സ്വയം മനസ്സിലാക്കുന്ന സിറില്‍ സാമന്തയുടെ അരികിലേക്ക് ഓടിയണയുകയാണ്.
' ടൂ ഡെയ്‌സി ' ല്‍ എത്തുമ്പോള്‍ വളരെ സങ്കീര്‍ണമായ ഒരു പ്രശ്‌നമാണ് ഡാര്‍ഡന്‍ സഹോദരന്മാര്‍ കൈകാര്യം ചെയ്യുന്നത്. ആഗോളവത്കരണത്തിന്റെ നീരാളിപ്പിടിത്തമാണ് ചര്‍ച്ചാവിഷയം. ബല്‍ജിയത്തിലെ ഒരു സോളാര്‍ കമ്പനിയില്‍ മൂന്നു ദിവസത്തിനുള്ളില്‍ നടക്കുന്ന ചില സംഭവങ്ങളിലൂടെയാണ് ക്യാമറയുടെ സഞ്ചാരം. സ്വന്തം തൊഴിലുറപ്പിച്ചു നിര്‍ത്താന്‍ ബദ്ധപ്പെടുന്ന മനുഷ്യരുടെ ശോഭനമല്ലാത്ത ജീവിതമാണ് നമ്മള്‍ കാണുന്നത്. നിറഞ്ഞ കഷ്ടപ്പാടുകള്‍ക്കിടയിലും അവരില്‍ ചിലരെങ്കിലും സ്വന്തം ചോരയെ തിരിച്ചറിയുകയും ഒന്നിച്ചുനില്‍ക്കാന്‍ തീരുമാനിക്കുകയും ചെയ്യുന്നുണ്ട്. സഹജീവിയുടെ കണ്ണീരില്‍ പടുത്തുയര്‍ത്തുന്ന ജീവിതസുഖങ്ങളെ അവര്‍ സന്ദേഹമേതുമില്ലാതെ വേണ്ടെന്നുവെക്കുന്നു.
വിഷാദരോഗത്തെത്തുടര്‍ന്ന് ജോലി നഷ്ടപ്പെടുമോ എന്ന ഭീതിയില്‍ കഴിയുന്ന സാന്ദ്ര എന്ന യുവതിയുടെ അവസ്ഥാന്തരങ്ങളാണ് സിനിമയില്‍ തെളിയുന്നത്. ഭര്‍ത്താവും രണ്ടു മക്കളുമടങ്ങുന്ന കുടുംബത്തെ സഹായിക്കാന്‍ അവള്‍ക്ക് എങ്ങനെയെങ്കിലും തന്റെ ജോലി നിലനിര്‍ത്തിയേ തീരൂ. ഒരു കുടുംബത്തിന്റെ മാത്രം കഥയല്ലിത്. എവിടെയുമുള്ള തൊഴിലാളി വര്‍ഗത്തിന്റെ നിസ്സഹായാവസ്ഥ പ്രതിഫലിക്കുന്നുണ്ടിതില്‍. ജോലി തിരിച്ചുതരാം, പക്ഷേ, അതിന് മറ്റ് തൊഴിലാളികള്‍ ത്യാഗം സഹിക്കണം എന്ന വിചിത്രവാദമാണ് സ്ഥാപനമുടമ മുന്നോട്ടുവെക്കുന്നത്. തൊഴിലാളികള്‍ക്കിടയില്‍ ഹിതപരിശോധന നടത്തിയാണ് അയാള്‍ അവളെ ജോലിയില്‍ നിന്ന് ആദ്യം മാറ്റിനിര്‍ത്തുന്നത്. സഹപ്രവര്‍ത്തകയായ ജൂലിയറ്റിന്റെ ശ്രമഫലമായി അയാള്‍ സാന്ദ്രക്ക് ഒരവസരംകൂടി നല്‍കുന്നു. ഒരിക്കലും നടക്കാന്‍ പോകുന്നില്ല എന്ന വിശ്വാസത്തില്‍ മറ്റു തൊഴിലാളികളുടെ ദാരിദ്ര്യത്തിലാണ് അയാള്‍ കണ്ണുവെക്കുന്നത്.
17 പേരുള്ള സ്ഥാപനത്തില്‍ സാന്ദ്രയുടെ അസാന്നിധ്യത്തിലും ജോലി പതിവുപോലെ കൊണ്ടുപോകാനാകും എന്നയാള്‍ മനസ്സിലാക്കുന്നു. ഇങ്ങനെ അധികനേരം ചെയ്യുന്ന ജോലിക്ക് ഓരോരുത്തര്‍ക്കും ആയിരം യൂറോ അയാള്‍ ബോണസ്സായി വാഗ്ദാനം ചെയ്യുന്നു. സാമ്പത്തിക പ്രശ്‌നങ്ങളില്‍പ്പെട്ട് ഉഴലുന്ന ജീവനക്കാര്‍ക്ക് നല്ലൊരു പിടിവള്ളിയായിരുന്നു ഈ ബോണസ് വാഗ്ദാനം. സഹപ്രവര്‍ത്തകയെ മറന്നും തങ്ങളുടെ ജീവിതം ഉറപ്പിക്കാനുള്ള ആഗ്രഹത്തിലായിരുന്നു അവരില്‍ മിക്കവരും. അപ്പോഴാണ് ജൂലിയറ്റ് ഇടപെടുന്നത്. മൂന്നു ദിവസത്തിനകം തൊഴിലാളികള്‍ക്കിടയില്‍ മറ്റൊരു വോട്ടെടുപ്പിന് സ്ഥാപനമുടമ സമ്മതിക്കുന്നു. തിങ്കളാഴ്ചയാണ് വോട്ടെടുപ്പ്. ശനിയും ഞായറും മാത്രമാണ് സാന്ദ്രയുടെ മുന്നിലുള്ളത്. ഭര്‍ത്താവിന്റെ ഉള്ളഴിഞ്ഞ സഹകരണത്തോടെ അവള്‍ കടുത്തൊരു പരീക്ഷണത്തിനു തയ്യാറാവുന്നു. 16 സഹപ്രവര്‍ത്തകരെയും അവള്‍ വീടുകളില്‍ച്ചെന്ന് നേരിട്ടു കാണുന്നു.
രണ്ടു പകലും ഒരു രാത്രിയും ബസ്സിലും കാറിലും നടന്നുമുള്ള സാന്ദ്രയുടെ യാത്രയാണ് ഈ സിനിമ. ഓരോ വീട്ടിലും അവള്‍ നേരിടുന്ന സമാനമായ ദുരിതസാഹചര്യങ്ങള്‍. ചിലര്‍ സാന്ദ്രക്കുനേരെ വാതില്‍ കൊട്ടിയടയ്ക്കുന്നു. മറ്റു ചിലര്‍ പ്രാരാബ്ധങ്ങള്‍ ചൂണ്ടിക്കാട്ടി ബോണസ് എന്ന ചൂണ്ടയില്‍ തങ്ങളെ കുരുക്കിയിടുന്നു. ഓരോ ഗൃഹസന്ദര്‍ശനവും സാന്ദ്രക്ക് പുതിയ ജീവിതപാഠങ്ങളാണ് നല്‍കുന്നത്. ധനാര്‍ത്തിയും സഹാനുഭൂതിയും എന്തെന്ന് അവളറിയുന്നു. അതവളെ ധീരമായ ഒരു തീരുമാനത്തിലെത്തിക്കുന്നു. ഉദാത്തമായ തൊഴിലാളിസ്‌നേഹമെന്തെന്ന്് അവള്‍ ലോകത്തിനു കാണിച്ചുകൊടുക്കുകയാണ്. അപ്പോഴും, തീരാത്ത കടക്കെണിയിലേക്കും പ്രതിസന്ധികളിലേക്കുമാണ് അവള്‍ തന്നെയും കുടുംബത്തെയും തള്ളിവിടുന്നത്.
സാന്ദ്ര ഓരോ തൊഴിലാളിയുടെയും വീട്ടില്‍ പോകുന്ന സന്ദര്‍ഭങ്ങളിലാണ് സഹപ്രവര്‍ത്തകരോട് അവള്‍ക്കുള്ള അടുപ്പവും കരുതലും എത്രമാത്രമുണ്ടായിരുന്നു എന്ന് സംവിധായകര്‍ വിശദീകരിക്കുന്നത്. ഒന്നോ രണ്ടോ പേരൊഴികെ മറ്റെല്ലാവര്‍ക്കും സാന്ദ്രയോടും സ്‌നേഹമാണ്. അവളുടെ ഇപ്പോഴത്തെ അവസ്ഥയില്‍ അവര്‍ ദു:ഖിതരുമാണ്.
പക്ഷേ, അവര്‍ക്കു മുന്നില്‍ അവരുടെ ഒരു ദുരിതജീവിതമുണ്ട്. ആയിരം യൂറോ ബോണസ് അവര്‍ക്ക് വലിയൊരു പ്രലോഭനമായി മാറുകയാണ്. വീടു നന്നാക്കാന്‍, വീട്ടില്‍ അത്യാവശ്യം സൗകര്യമൊരുക്കാന്‍, കുട്ടികളുടെ പഠിപ്പിന് ... ഇങ്ങനെ അവരുടെ മുന്നില്‍ ആവശ്യങ്ങളുടെ പട്ടിക നീണ്ടതാണ്. എന്നിട്ടും പകുതി പേര്‍ സാന്ദ്രയോടൊപ്പം നില്‍ക്കാന്‍ തയ്യാറാവുന്നു. അവളുടെ മനസ്സില്‍ തൊട്ടത്് ഈ സ്‌നേഹമാണ്. അതാണ് അവള്‍ അവസാനം അവര്‍ക്ക് തിരിച്ചുകൊടുക്കുന്നതും.
അതിരുകള്‍ക്കപ്പുറത്തേക്ക് കടന്നുചെല്ലുന്ന സഹജീവിസ്‌നേഹമാണ് സാന്ദ്ര പ്രകടിപ്പിക്കുന്നത്. ബോണസ് നഷ്ടപ്പെടുമെന്നറിഞ്ഞിട്ടും പകുതി ജീവനക്കാര്‍ സാന്ദ്രയോടൊപ്പം നിന്നത് കമ്പനിയുടമക്കേറ്റ തിരിച്ചടിയായിരുന്നു. ഒടുവില്‍ എല്ലാ ജീവനക്കാര്‍ക്കും ബോണസ് നല്‍കാന്‍ അയാള്‍ തയ്യാറാവുന്നു. ഒരു കറുത്ത വര്‍ഗക്കാരനൊഴികെ സോളാര്‍ കമ്പനിയിലെ ജീവനക്കാരെല്ലാം നാട്ടുകാരാണ്. കറുത്ത വര്‍ഗക്കാരന്‍ കരാര്‍ ജീവനക്കാരനാണ്. അവന്റെ കോണ്‍ട്രാക്ട് ഉടനെ കഴിയും. അതിനുശേഷം അത് വീണ്ടും പുതുക്കണം. ഈയൊരു ദുര്‍ഘടസന്ധിയിലും അവനും സാന്ദ്രയെ പിന്തുണക്കുന്നു. സാന്ദ്രയുടെ വിശ്വാസത്തെ പിടിച്ചുലച്ചു ഈ പിന്തുണ. കമ്പനിയുടമ സൗമനസ്യത്തിന്റെ മറവില്‍ കണ്ണുവെച്ചതും ഈ കരാര്‍ ജീവനക്കാരനെയായിരുന്നു. അവനെ മാറ്റി പകരം സാന്ദ്രയെ നിയമിക്കാം എന്ന വ്യവസ്ഥയാണ് അയാള്‍ സാന്ദ്രയുടെ മുന്നില്‍ അവതരിപ്പിക്കുന്നത്. അപ്പോഴും അയാളുദ്ദേശിച്ച 16 തൊഴിലാളികള്‍ എന്ന അവസ്ഥയിലെത്തും. പക്ഷേ, സാന്ദ്രയുടെ ദൃഢനിശ്ചയം അയാളുടെ കുടിലതന്ത്രങ്ങളെ പരാജയപ്പെടുത്തുന്നു.
കഥാപാത്രങ്ങളെ തുടക്കത്തില്‍ത്തന്നെ കൃത്യമായ പശ്ചാത്തലത്തില്‍ കൊണ്ടുനിര്‍ത്തുന്നു സംവിധായകര്‍. സാന്ദ്രയുടെ കുടുംബത്തെയാണ് ആദ്യം പരിചയപ്പെടുത്തുന്നത്. ഹോട്ടലില്‍ വെയിറ്ററാണ് ഭര്‍ത്താവ്. അയാളുടെ മാത്രം വരുമാനം കൊണ്ട് എങ്ങുമെത്തില്ല. കുട്ടികളുടെ വിദ്യാഭ്യാസം, വീടിന്റെ കടം. എല്ലാം അയാളെ പേടിപ്പെടുത്തുന്നു. ഏതാനും ഷോട്ടുകളില്‍ നിന്നുതന്നെ സാന്ദ്രയുടെ മാനസികാവസ്ഥ നമുക്ക് മനസ്സിലാകും. അവളുടെ ഉള്ളിലെ നെരിപ്പോട് അത്രയെളുപ്പം അണയുന്നതല്ല. ഗുളികകള്‍ വിഴുങ്ങിയാണ് അവള്‍ സമനില വീണ്ടെടുക്കുന്നത്. എപ്പോഴും കൂടെ നില്‍ക്കുന്ന ഭര്‍ത്താവിനെപ്പോലും അവള്‍ക്ക് സംശയമാണ്. അയാള്‍ക്ക് തന്നോട് സഹതാപമാണ്, സ്‌നേഹമല്ല എന്നാണവളുടെ ധാരണ. ഹിതപരിശോധനയില്‍ നിന്ന് പിന്മാറാന്‍ അവള്‍ പലപ്പോഴും തയ്യാറാവുന്നുണ്ട്. അപ്പോഴൊക്കെ അതില്‍ നിന്ന് പിന്തിരിപ്പിക്കുന്നത് ഭര്‍ത്താവാണ്.
പ്രശസ്തമായ കാന്‍ ഫിലിം ഫെസ്റ്റിവലില്‍ മികച്ച ചിത്രത്തിനുള്ള ' പാം ഡി ഓര്‍ ' രണ്ടു തവണ നേടാനുള്ള അപൂര്‍വഭാഗ്യം ഏഴ് സംവിധായകര്‍ക്കേ ഉണ്ടായിട്ടുള്ളു. അവരില്‍ രണ്ടു പേര്‍ ഡാര്‍ഡന്‍ സഹോദരന്മാരാണ്. 1999 ല്‍ ' റോസെറ്റ ' , 2005 ല്‍ ' ദ ചൈല്‍ഡ് ' എന്നീ ചിത്രങ്ങളാണ് ഡാര്‍ഡന്‍ സഹോദരന്മാര്‍ക്ക് ഈ ബഹുമതി നേടിക്കൊടുത്തത്. 2014 ല്‍ ' ടൂ ഡെയ്‌സ് , വണ്‍ നൈറ്റ് ' പാംഡി ഓറിന് മത്സരിച്ചെങ്കിലും ജയിക്കാനായില്ല. സൂറിച്ച്, സിഡ്‌നി ഫിലിം മേളകളില്‍ അവാര്‍ഡിനര്‍ഹമായിട്ടുണ്ട് ' ടൂ ഡെയ്‌സ് ' . 2014 ല്‍ വിദേശഭാഷാ ചിത്രത്തിനുള്ള ഓസ്‌കര്‍ അവാര്‍ഡിന് മത്സരിക്കാന്‍ ബെല്‍ജിയം അയച്ചത് ഈ ചിത്രമാണ്. 2014 ല്‍ ഗോവയില്‍ നടന്ന അന്താരാഷ്ട്ര ചലച്ചിത്രമേളയില്‍ ' ടൂ ഡെയ്‌സ് ' പ്രദര്‍ശിപ്പിച്ചിട്ടുണ്ട്്.
ഡാര്‍ഡന്‍ സഹോദരന്മാരില്‍ ഴാങ് ആണ് മൂത്തത്. 64 വയസ്സായി. ഇളയവന്‍ ലുക്കിന് 61. അറുപതോളം ഡോക്യുമെന്ററികള്‍ ചെയ്ത് കൈത്തഴക്കം വന്നശേഷമാണ് ഇരുവരും കഥാചിത്രങ്ങളിലേക്ക് കടന്നത്. 1980 കളുടെ ഒടുവിലായിരുന്നു ഇത്. ആദ്യത്തെ രണ്ടു സിനിമകളും അത്ര ശ്രദ്ധിക്കപ്പെട്ടില്ല. ഫാല്‍ഷ് (1989) എന്ന സിനിമയിലാണ് തുടക്കം. ' ഐ തിങ്ക് ഓഫ് യൂ ' (1992) ആണ് രണ്ടാമത്തെ സിനിമ. മൂന്നാമത്തെ ചിത്രമായ ദ പ്രോമിസി 1996) ലൂടെ ഡാര്‍ഡന്‍ സഹോദരന്മാര്‍ ലോകശ്രദ്ധ നേടി. റോസെറ്റ (1999) , ദ സണ്‍ (2002) , ദ ചൈല്‍ഡ് (2005) , ലോര്‍ണാസ് സൈലന്‍സ് (2008) , ദ കിഡ് വിത്ത് എ ബൈക്ക് (2011) , ടൂ ഡെയ്‌സ് വണ്‍ നൈറ്റ് (2014) എന്നിവയാണ് മറ്റ് ഡാര്‍ഡന്‍ചിത്രങ്ങള്‍.
10 വര്‍ഷം മനസ്സില്‍ കൊണ്ടുനടന്ന ഇതിവൃത്തമാണ് 2014 ല്‍ സാക്ഷാത്കരിച്ചത് എന്ന് ഡാര്‍ഡന്‍ സഹോദരന്മാര്‍ പറയുന്നു. ആദ്യം സാന്ദ്ര എന്ന കഥാപാത്രമാണ് കടന്നുവന്നത്. നായികയെ അവതരിപ്പിക്കാന്‍ മരിയോണ്‍ കോട്ടിലാര്‍ഡ് എന്ന നടിയെ കിട്ടിയതോടെ ഡാര്‍ഡന്മാരുടെ പരിശ്രമം സഫലമായി. ഒരേസമയം ദു:ഖിതയും ദൃഢചിത്തയുമായ സാന്ദ്രയെ മരിയോണ്‍ അനശ്വരയാക്കി. സെറെയിങ് എന്ന വ്യാവസായിക നഗരത്തിലാണ് ഡാര്‍ഡന്‍ സഹോദരന്മാരുടെ ജനനം. തൊഴിലാളി വര്‍ഗത്തെയും അവരുടെ അധ്വാനവും കണ്ടാണ് വളര്‍ന്നത്. മാറിവരുന്ന ലോകത്തെ എടുത്തുകാണിക്കലാണ് തങ്ങള്‍ക്ക് സിനിമ എന്ന് ഈ സംവിധായകര്‍ അടിവരയിടുന്നു. ആഗോളീകരണത്തിന്റെ കഠിനയാഥാര്‍ഥ്യങ്ങള്‍ക്കുനേരെ അവര്‍ക്ക് കണ്ണടയ്ക്കാനാവില്ല. എവിടെയും എപ്പോഴും എന്തെങ്കിലും ന്യായം പറഞ്ഞ്് തൊഴിലാളികളെ പിരിച്ചുവിടാനാണ് കമ്പനികള്‍ ശ്രമിക്കുന്നത്. ജോലിയില്ലാത്ത ഒരാള്‍ സമൂഹത്തിന് ഭാരമായാണ് സ്വയം കാണുന്നത്.
തങ്ങളുടെ അസ്തിത്വം പോലും ചോദ്യം ചെയ്യപ്പെടുന്നതായി അവര്‍ക്കു തോന്നും. ഈയൊരു സാഹചര്യത്തില്‍ ഊന്നിക്കൊണ്ടാണ് ' ടൂ ഡെയ്‌സ് ' രൂപപ്പെടുത്തിയത്. പുതിയൊരു തൊഴില്‍ സംസ്‌കാരത്തിന്റെ ഉദ്‌ഘോഷമാണ് ഈ സിനിമ. ട്രേഡ് യൂനിയന്റെ പിന്‍ബലമില്ലാതെ, തൊഴിലാളിസാഹോദര്യത്തിന്റെ ആത്മബലം കൊണ്ടാണ് സാന്ദ്രയും കൂട്ടുകാരും വിജയത്തിനടുത്തെത്തുന്നത്. സാന്ദ്രക്ക് ജോലി തിരിച്ചുകിട്ടിയോ എന്ന ചോദ്യത്തിനല്ല ഇവിടെ പ്രസക്തി. തൊഴിലാളികളെ ഒരുമിപ്പിക്കാന്‍ അവള്‍ നടത്തിയ ഒറ്റയാള്‍ശ്രമം പാതിയെങ്കിലും വിജയിച്ചോ എന്ന ചോദ്യത്തിനാണ്. വോട്ടെടുപ്പില്‍ തോറ്റ് കമ്പനിയില്‍ നിന്ന് തിരിച്ചുവരുന്ന സാന്ദ്രയുടെ മുഖത്ത് വിഷാദഭാവമേയില്ല. ജീവിതത്തെ വീണ്ടും തേച്ചുമിനുക്കിയെടുക്കാം എന്ന ദൃഢഭാവമാണ് ആ മുഖത്ത് തെളിയുന്നത്.
==============================
http://www.southlive.in/mirror-media/mathrubhumi/9339
http://www.mathrubhumi.com/movies/long_shots/551317#storycontent
ഫിന്നിഷ് സംവിധായകന്‍ അകി കോറിസ്മാക്കിയുടെ അതേ വിശ്വാസധാരയിലാണ് ബല്‍ജിയന്‍ സംവിധായകരായ ഡാര്‍ഡന്‍ സഹോദരന്മാര്‍. സമൂഹത്തിലെ അടിത്തട്ടില്‍ കഴിയുന്ന തൊഴിലാളി വര്‍ഗത്തില്‍പ്പെട്ടവരാണ് മൂന്നു പേരുടെയും സിനിമകളിലെ കഥാപാത്രങ്ങള്‍. ധാരാളിത്തത്തില്‍ ജീവിക്കുന്നവരല്ല ഈ കഥാപാത്രങ്ങളൊന്നും. ദുരിതം നിറഞ്ഞ വഴികളിലൂടെ കടന്നുപോകുന്നവരാണവര്‍. വലുതായൊന്നും ആഗ്രഹിക്കാത്തവര്‍. നിസ്വമായ ചുറ്റുപാടുകളില്‍ അവരങ്ങനെ രണ്ടറ്റവും മുട്ടിക്കാന്‍ പാടുപെടുന്നു. ഈ പ്രാരാബ്ധങ്ങള്‍ക്കിടയിലും അവര്‍ പരസ്പരം വെറുക്കുകയും സ്‌നേഹിക്കുകയും ചെയ്യുന്നുണ്ട്. എവിടെയോ ചില നന്മകള്‍ സൂക്ഷിക്കുന്നുണ്ടവര്‍. തെരുവിലെ ഷൂ പോളീഷുകാരനും ട്രക്ക് ഡ്രൈവറും ഹോട്ടല്‍ത്തൊഴിലാളിയും ഇറച്ചിവെട്ടുകാരിയും തീപ്പെട്ടിക്കമ്പനി ജീവനക്കാരിയുമൊക്കെയാണ് കോറിസ്മാക്കിയുടെ നായികാനായകന്മാര്‍. ഡാര്‍ഡന്‍ സഹോദരന്മാരും തൊഴിലെടുക്കുന്നവരെയാണ് തങ്ങളുടെ ചിത്രങ്ങളിലൂടെ ഉയര്‍ത്തിക്കാട്ടുന്നത്.
ഡാര്‍ഡന്‍ സഹോദരന്മാരുടെ ഒമ്പതാമത്തെ സിനിമയാണ് ' ടൂ ഡെയ്‌സ് , വണ്‍ നൈറ്റ് ( Two days, one night ). പ്രശസ്തമായ കാന്‍ ഫിലിം ഫെസ്റ്റിവലില്‍ എപ്പോഴും ആദരിക്കപ്പെടുന്നവരാണിവര്‍. ഴാങ് പിയറെ ഡാര്‍ഡന്‍ , ലുക് ഡാര്‍ഡന്‍ എന്നീ ഡാര്‍ഡന്‍ സഹോദരന്മാരുടെ ഏറ്റവും പുതിയ സിനിമയിലും തൊഴിലാളികളുടെ ജീവിതമാണ് വിഷയമാകുന്നത്. തൊട്ടുമുമ്പ് 2011 ല്‍ പുറത്തിറങ്ങിയ ' കിഡ് വിത്ത് എ ബൈക്ക് ' ( Kid with a bike ) എന്ന സിനിമയില്‍ നിന്ന് വ്യത്യസ്തമായ അന്തരീക്ഷമാണ് ' ടൂ ഡെയ്‌സി ' ല്‍ നമ്മള്‍ കാണുന്നത്. എങ്കിലും പറയാനുള്ള വിഷയം ഒന്നുതന്നെ. വീട്ടില്‍ നിന്ന് ഒളിച്ചോടി അച്ഛനെ കാണാനെത്തി ഹതാശനാകുന്ന പന്ത്രണ്ടുകാരന്‍ സിറില്‍ ആണ് 'കിഡി ' ലെ പ്രധാന കഥാപാത്രം. മകനെ സ്‌നേഹിക്കുന്നുണ്ടെങ്കിലും ജീവിച്ചുപോകാനുള്ള വെപ്രാളത്തില്‍ അവന്റെ സംരക്ഷണം ഏറ്റെടുക്കാന്‍ റസ്റ്റോറന്റ്്് ജീവനക്കാരനായ അച്ഛനു കഴിയുന്നില്ല.
ഇവിടെ അച്ഛന്റെയും അമ്മയുടെയും സ്‌നേഹം സിറിളിന് കിട്ടുന്നത് സാമന്ത എന്ന ഹെയര്‍ ഡ്രസ്സറില്‍ നിന്നാണ്. സിറിളിന്റെ ശാഠ്യങ്ങളും വഴിതെറ്റിയ കൂട്ടുകെട്ടുകളുമൊക്കെ ശാന്തമായ മനസ്സോടെ തിരുത്തിക്കൊടുക്കാന്‍ ആവുന്നത്ര ശ്രമിക്കുന്നുണ്ട് സാമന്ത. തട്ടിമുട്ടിപ്പോകുന്ന ജീവിതത്തിനിടയിലും സിറിളിനുവേണ്ടി കാമുകനെ തള്ളിപ്പറയാന്‍പോലും അവള്‍ തയ്യാറാവുന്നു. ഒടുവില്‍, സ്‌നേഹത്തിന്റെ ശക്തിയെന്തെന്ന് സ്വയം മനസ്സിലാക്കുന്ന സിറില്‍ സാമന്തയുടെ അരികിലേക്ക് ഓടിയണയുകയാണ്.
' ടൂ ഡെയ്‌സി ' ല്‍ എത്തുമ്പോള്‍ വളരെ സങ്കീര്‍ണമായ ഒരു പ്രശ്‌നമാണ് ഡാര്‍ഡന്‍ സഹോദരന്മാര്‍ കൈകാര്യം ചെയ്യുന്നത്. ആഗോളവത്കരണത്തിന്റെ നീരാളിപ്പിടിത്തമാണ് ചര്‍ച്ചാവിഷയം. ബല്‍ജിയത്തിലെ ഒരു സോളാര്‍ കമ്പനിയില്‍ മൂന്നു ദിവസത്തിനുള്ളില്‍ നടക്കുന്ന ചില സംഭവങ്ങളിലൂടെയാണ് ക്യാമറയുടെ സഞ്ചാരം. സ്വന്തം തൊഴിലുറപ്പിച്ചു നിര്‍ത്താന്‍ ബദ്ധപ്പെടുന്ന മനുഷ്യരുടെ ശോഭനമല്ലാത്ത ജീവിതമാണ് നമ്മള്‍ കാണുന്നത്. നിറഞ്ഞ കഷ്ടപ്പാടുകള്‍ക്കിടയിലും അവരില്‍ ചിലരെങ്കിലും സ്വന്തം ചോരയെ തിരിച്ചറിയുകയും ഒന്നിച്ചുനില്‍ക്കാന്‍ തീരുമാനിക്കുകയും ചെയ്യുന്നുണ്ട്. സഹജീവിയുടെ കണ്ണീരില്‍ പടുത്തുയര്‍ത്തുന്ന ജീവിതസുഖങ്ങളെ അവര്‍ സന്ദേഹമേതുമില്ലാതെ വേണ്ടെന്നുവെക്കുന്നു.
വിഷാദരോഗത്തെത്തുടര്‍ന്ന് ജോലി നഷ്ടപ്പെടുമോ എന്ന ഭീതിയില്‍ കഴിയുന്ന സാന്ദ്ര എന്ന യുവതിയുടെ അവസ്ഥാന്തരങ്ങളാണ് സിനിമയില്‍ തെളിയുന്നത്. ഭര്‍ത്താവും രണ്ടു മക്കളുമടങ്ങുന്ന കുടുംബത്തെ സഹായിക്കാന്‍ അവള്‍ക്ക് എങ്ങനെയെങ്കിലും തന്റെ ജോലി നിലനിര്‍ത്തിയേ തീരൂ. ഒരു കുടുംബത്തിന്റെ മാത്രം കഥയല്ലിത്. എവിടെയുമുള്ള തൊഴിലാളി വര്‍ഗത്തിന്റെ നിസ്സഹായാവസ്ഥ പ്രതിഫലിക്കുന്നുണ്ടിതില്‍. ജോലി തിരിച്ചുതരാം, പക്ഷേ, അതിന് മറ്റ് തൊഴിലാളികള്‍ ത്യാഗം സഹിക്കണം എന്ന വിചിത്രവാദമാണ് സ്ഥാപനമുടമ മുന്നോട്ടുവെക്കുന്നത്. തൊഴിലാളികള്‍ക്കിടയില്‍ ഹിതപരിശോധന നടത്തിയാണ് അയാള്‍ അവളെ ജോലിയില്‍ നിന്ന് ആദ്യം മാറ്റിനിര്‍ത്തുന്നത്. സഹപ്രവര്‍ത്തകയായ ജൂലിയറ്റിന്റെ ശ്രമഫലമായി അയാള്‍ സാന്ദ്രക്ക് ഒരവസരംകൂടി നല്‍കുന്നു. ഒരിക്കലും നടക്കാന്‍ പോകുന്നില്ല എന്ന വിശ്വാസത്തില്‍ മറ്റു തൊഴിലാളികളുടെ ദാരിദ്ര്യത്തിലാണ് അയാള്‍ കണ്ണുവെക്കുന്നത്.
17 പേരുള്ള സ്ഥാപനത്തില്‍ സാന്ദ്രയുടെ അസാന്നിധ്യത്തിലും ജോലി പതിവുപോലെ കൊണ്ടുപോകാനാകും എന്നയാള്‍ മനസ്സിലാക്കുന്നു. ഇങ്ങനെ അധികനേരം ചെയ്യുന്ന ജോലിക്ക് ഓരോരുത്തര്‍ക്കും ആയിരം യൂറോ അയാള്‍ ബോണസ്സായി വാഗ്ദാനം ചെയ്യുന്നു. സാമ്പത്തിക പ്രശ്‌നങ്ങളില്‍പ്പെട്ട് ഉഴലുന്ന ജീവനക്കാര്‍ക്ക് നല്ലൊരു പിടിവള്ളിയായിരുന്നു ഈ ബോണസ് വാഗ്ദാനം. സഹപ്രവര്‍ത്തകയെ മറന്നും തങ്ങളുടെ ജീവിതം ഉറപ്പിക്കാനുള്ള ആഗ്രഹത്തിലായിരുന്നു അവരില്‍ മിക്കവരും. അപ്പോഴാണ് ജൂലിയറ്റ് ഇടപെടുന്നത്. മൂന്നു ദിവസത്തിനകം തൊഴിലാളികള്‍ക്കിടയില്‍ മറ്റൊരു വോട്ടെടുപ്പിന് സ്ഥാപനമുടമ സമ്മതിക്കുന്നു. തിങ്കളാഴ്ചയാണ് വോട്ടെടുപ്പ്. ശനിയും ഞായറും മാത്രമാണ് സാന്ദ്രയുടെ മുന്നിലുള്ളത്. ഭര്‍ത്താവിന്റെ ഉള്ളഴിഞ്ഞ സഹകരണത്തോടെ അവള്‍ കടുത്തൊരു പരീക്ഷണത്തിനു തയ്യാറാവുന്നു. 16 സഹപ്രവര്‍ത്തകരെയും അവള്‍ വീടുകളില്‍ച്ചെന്ന് നേരിട്ടു കാണുന്നു.
രണ്ടു പകലും ഒരു രാത്രിയും ബസ്സിലും കാറിലും നടന്നുമുള്ള സാന്ദ്രയുടെ യാത്രയാണ് ഈ സിനിമ. ഓരോ വീട്ടിലും അവള്‍ നേരിടുന്ന സമാനമായ ദുരിതസാഹചര്യങ്ങള്‍. ചിലര്‍ സാന്ദ്രക്കുനേരെ വാതില്‍ കൊട്ടിയടയ്ക്കുന്നു. മറ്റു ചിലര്‍ പ്രാരാബ്ധങ്ങള്‍ ചൂണ്ടിക്കാട്ടി ബോണസ് എന്ന ചൂണ്ടയില്‍ തങ്ങളെ കുരുക്കിയിടുന്നു. ഓരോ ഗൃഹസന്ദര്‍ശനവും സാന്ദ്രക്ക് പുതിയ ജീവിതപാഠങ്ങളാണ് നല്‍കുന്നത്. ധനാര്‍ത്തിയും സഹാനുഭൂതിയും എന്തെന്ന് അവളറിയുന്നു. അതവളെ ധീരമായ ഒരു തീരുമാനത്തിലെത്തിക്കുന്നു. ഉദാത്തമായ തൊഴിലാളിസ്‌നേഹമെന്തെന്ന്് അവള്‍ ലോകത്തിനു കാണിച്ചുകൊടുക്കുകയാണ്. അപ്പോഴും, തീരാത്ത കടക്കെണിയിലേക്കും പ്രതിസന്ധികളിലേക്കുമാണ് അവള്‍ തന്നെയും കുടുംബത്തെയും തള്ളിവിടുന്നത്.
സാന്ദ്ര ഓരോ തൊഴിലാളിയുടെയും വീട്ടില്‍ പോകുന്ന സന്ദര്‍ഭങ്ങളിലാണ് സഹപ്രവര്‍ത്തകരോട് അവള്‍ക്കുള്ള അടുപ്പവും കരുതലും എത്രമാത്രമുണ്ടായിരുന്നു എന്ന് സംവിധായകര്‍ വിശദീകരിക്കുന്നത്. ഒന്നോ രണ്ടോ പേരൊഴികെ മറ്റെല്ലാവര്‍ക്കും സാന്ദ്രയോടും സ്‌നേഹമാണ്. അവളുടെ ഇപ്പോഴത്തെ അവസ്ഥയില്‍ അവര്‍ ദു:ഖിതരുമാണ്.
പക്ഷേ, അവര്‍ക്കു മുന്നില്‍ അവരുടെ ഒരു ദുരിതജീവിതമുണ്ട്. ആയിരം യൂറോ ബോണസ് അവര്‍ക്ക് വലിയൊരു പ്രലോഭനമായി മാറുകയാണ്. വീടു നന്നാക്കാന്‍, വീട്ടില്‍ അത്യാവശ്യം സൗകര്യമൊരുക്കാന്‍, കുട്ടികളുടെ പഠിപ്പിന് ... ഇങ്ങനെ അവരുടെ മുന്നില്‍ ആവശ്യങ്ങളുടെ പട്ടിക നീണ്ടതാണ്. എന്നിട്ടും പകുതി പേര്‍ സാന്ദ്രയോടൊപ്പം നില്‍ക്കാന്‍ തയ്യാറാവുന്നു. അവളുടെ മനസ്സില്‍ തൊട്ടത്് ഈ സ്‌നേഹമാണ്. അതാണ് അവള്‍ അവസാനം അവര്‍ക്ക് തിരിച്ചുകൊടുക്കുന്നതും.
അതിരുകള്‍ക്കപ്പുറത്തേക്ക് കടന്നുചെല്ലുന്ന സഹജീവിസ്‌നേഹമാണ് സാന്ദ്ര പ്രകടിപ്പിക്കുന്നത്. ബോണസ് നഷ്ടപ്പെടുമെന്നറിഞ്ഞിട്ടും പകുതി ജീവനക്കാര്‍ സാന്ദ്രയോടൊപ്പം നിന്നത് കമ്പനിയുടമക്കേറ്റ തിരിച്ചടിയായിരുന്നു. ഒടുവില്‍ എല്ലാ ജീവനക്കാര്‍ക്കും ബോണസ് നല്‍കാന്‍ അയാള്‍ തയ്യാറാവുന്നു. ഒരു കറുത്ത വര്‍ഗക്കാരനൊഴികെ സോളാര്‍ കമ്പനിയിലെ ജീവനക്കാരെല്ലാം നാട്ടുകാരാണ്. കറുത്ത വര്‍ഗക്കാരന്‍ കരാര്‍ ജീവനക്കാരനാണ്. അവന്റെ കോണ്‍ട്രാക്ട് ഉടനെ കഴിയും. അതിനുശേഷം അത് വീണ്ടും പുതുക്കണം. ഈയൊരു ദുര്‍ഘടസന്ധിയിലും അവനും സാന്ദ്രയെ പിന്തുണക്കുന്നു. സാന്ദ്രയുടെ വിശ്വാസത്തെ പിടിച്ചുലച്ചു ഈ പിന്തുണ. കമ്പനിയുടമ സൗമനസ്യത്തിന്റെ മറവില്‍ കണ്ണുവെച്ചതും ഈ കരാര്‍ ജീവനക്കാരനെയായിരുന്നു. അവനെ മാറ്റി പകരം സാന്ദ്രയെ നിയമിക്കാം എന്ന വ്യവസ്ഥയാണ് അയാള്‍ സാന്ദ്രയുടെ മുന്നില്‍ അവതരിപ്പിക്കുന്നത്. അപ്പോഴും അയാളുദ്ദേശിച്ച 16 തൊഴിലാളികള്‍ എന്ന അവസ്ഥയിലെത്തും. പക്ഷേ, സാന്ദ്രയുടെ ദൃഢനിശ്ചയം അയാളുടെ കുടിലതന്ത്രങ്ങളെ പരാജയപ്പെടുത്തുന്നു.
കഥാപാത്രങ്ങളെ തുടക്കത്തില്‍ത്തന്നെ കൃത്യമായ പശ്ചാത്തലത്തില്‍ കൊണ്ടുനിര്‍ത്തുന്നു സംവിധായകര്‍. സാന്ദ്രയുടെ കുടുംബത്തെയാണ് ആദ്യം പരിചയപ്പെടുത്തുന്നത്. ഹോട്ടലില്‍ വെയിറ്ററാണ് ഭര്‍ത്താവ്. അയാളുടെ മാത്രം വരുമാനം കൊണ്ട് എങ്ങുമെത്തില്ല. കുട്ടികളുടെ വിദ്യാഭ്യാസം, വീടിന്റെ കടം. എല്ലാം അയാളെ പേടിപ്പെടുത്തുന്നു. ഏതാനും ഷോട്ടുകളില്‍ നിന്നുതന്നെ സാന്ദ്രയുടെ മാനസികാവസ്ഥ നമുക്ക് മനസ്സിലാകും. അവളുടെ ഉള്ളിലെ നെരിപ്പോട് അത്രയെളുപ്പം അണയുന്നതല്ല. ഗുളികകള്‍ വിഴുങ്ങിയാണ് അവള്‍ സമനില വീണ്ടെടുക്കുന്നത്. എപ്പോഴും കൂടെ നില്‍ക്കുന്ന ഭര്‍ത്താവിനെപ്പോലും അവള്‍ക്ക് സംശയമാണ്. അയാള്‍ക്ക് തന്നോട് സഹതാപമാണ്, സ്‌നേഹമല്ല എന്നാണവളുടെ ധാരണ. ഹിതപരിശോധനയില്‍ നിന്ന് പിന്മാറാന്‍ അവള്‍ പലപ്പോഴും തയ്യാറാവുന്നുണ്ട്. അപ്പോഴൊക്കെ അതില്‍ നിന്ന് പിന്തിരിപ്പിക്കുന്നത് ഭര്‍ത്താവാണ്.
പ്രശസ്തമായ കാന്‍ ഫിലിം ഫെസ്റ്റിവലില്‍ മികച്ച ചിത്രത്തിനുള്ള ' പാം ഡി ഓര്‍ ' രണ്ടു തവണ നേടാനുള്ള അപൂര്‍വഭാഗ്യം ഏഴ് സംവിധായകര്‍ക്കേ ഉണ്ടായിട്ടുള്ളു. അവരില്‍ രണ്ടു പേര്‍ ഡാര്‍ഡന്‍ സഹോദരന്മാരാണ്. 1999 ല്‍ ' റോസെറ്റ ' , 2005 ല്‍ ' ദ ചൈല്‍ഡ് ' എന്നീ ചിത്രങ്ങളാണ് ഡാര്‍ഡന്‍ സഹോദരന്മാര്‍ക്ക് ഈ ബഹുമതി നേടിക്കൊടുത്തത്. 2014 ല്‍ ' ടൂ ഡെയ്‌സ് , വണ്‍ നൈറ്റ് ' പാംഡി ഓറിന് മത്സരിച്ചെങ്കിലും ജയിക്കാനായില്ല. സൂറിച്ച്, സിഡ്‌നി ഫിലിം മേളകളില്‍ അവാര്‍ഡിനര്‍ഹമായിട്ടുണ്ട് ' ടൂ ഡെയ്‌സ് ' . 2014 ല്‍ വിദേശഭാഷാ ചിത്രത്തിനുള്ള ഓസ്‌കര്‍ അവാര്‍ഡിന് മത്സരിക്കാന്‍ ബെല്‍ജിയം അയച്ചത് ഈ ചിത്രമാണ്. 2014 ല്‍ ഗോവയില്‍ നടന്ന അന്താരാഷ്ട്ര ചലച്ചിത്രമേളയില്‍ ' ടൂ ഡെയ്‌സ് ' പ്രദര്‍ശിപ്പിച്ചിട്ടുണ്ട്്.
ഡാര്‍ഡന്‍ സഹോദരന്മാരില്‍ ഴാങ് ആണ് മൂത്തത്. 64 വയസ്സായി. ഇളയവന്‍ ലുക്കിന് 61. അറുപതോളം ഡോക്യുമെന്ററികള്‍ ചെയ്ത് കൈത്തഴക്കം വന്നശേഷമാണ് ഇരുവരും കഥാചിത്രങ്ങളിലേക്ക് കടന്നത്. 1980 കളുടെ ഒടുവിലായിരുന്നു ഇത്. ആദ്യത്തെ രണ്ടു സിനിമകളും അത്ര ശ്രദ്ധിക്കപ്പെട്ടില്ല. ഫാല്‍ഷ് (1989) എന്ന സിനിമയിലാണ് തുടക്കം. ' ഐ തിങ്ക് ഓഫ് യൂ ' (1992) ആണ് രണ്ടാമത്തെ സിനിമ. മൂന്നാമത്തെ ചിത്രമായ ദ പ്രോമിസി 1996) ലൂടെ ഡാര്‍ഡന്‍ സഹോദരന്മാര്‍ ലോകശ്രദ്ധ നേടി. റോസെറ്റ (1999) , ദ സണ്‍ (2002) , ദ ചൈല്‍ഡ് (2005) , ലോര്‍ണാസ് സൈലന്‍സ് (2008) , ദ കിഡ് വിത്ത് എ ബൈക്ക് (2011) , ടൂ ഡെയ്‌സ് വണ്‍ നൈറ്റ് (2014) എന്നിവയാണ് മറ്റ് ഡാര്‍ഡന്‍ചിത്രങ്ങള്‍.
10 വര്‍ഷം മനസ്സില്‍ കൊണ്ടുനടന്ന ഇതിവൃത്തമാണ് 2014 ല്‍ സാക്ഷാത്കരിച്ചത് എന്ന് ഡാര്‍ഡന്‍ സഹോദരന്മാര്‍ പറയുന്നു. ആദ്യം സാന്ദ്ര എന്ന കഥാപാത്രമാണ് കടന്നുവന്നത്. നായികയെ അവതരിപ്പിക്കാന്‍ മരിയോണ്‍ കോട്ടിലാര്‍ഡ് എന്ന നടിയെ കിട്ടിയതോടെ ഡാര്‍ഡന്മാരുടെ പരിശ്രമം സഫലമായി. ഒരേസമയം ദു:ഖിതയും ദൃഢചിത്തയുമായ സാന്ദ്രയെ മരിയോണ്‍ അനശ്വരയാക്കി. സെറെയിങ് എന്ന വ്യാവസായിക നഗരത്തിലാണ് ഡാര്‍ഡന്‍ സഹോദരന്മാരുടെ ജനനം. തൊഴിലാളി വര്‍ഗത്തെയും അവരുടെ അധ്വാനവും കണ്ടാണ് വളര്‍ന്നത്. മാറിവരുന്ന ലോകത്തെ എടുത്തുകാണിക്കലാണ് തങ്ങള്‍ക്ക് സിനിമ എന്ന് ഈ സംവിധായകര്‍ അടിവരയിടുന്നു. ആഗോളീകരണത്തിന്റെ കഠിനയാഥാര്‍ഥ്യങ്ങള്‍ക്കുനേരെ അവര്‍ക്ക് കണ്ണടയ്ക്കാനാവില്ല. എവിടെയും എപ്പോഴും എന്തെങ്കിലും ന്യായം പറഞ്ഞ്് തൊഴിലാളികളെ പിരിച്ചുവിടാനാണ് കമ്പനികള്‍ ശ്രമിക്കുന്നത്. ജോലിയില്ലാത്ത ഒരാള്‍ സമൂഹത്തിന് ഭാരമായാണ് സ്വയം കാണുന്നത്.
തങ്ങളുടെ അസ്തിത്വം പോലും ചോദ്യം ചെയ്യപ്പെടുന്നതായി അവര്‍ക്കു തോന്നും. ഈയൊരു സാഹചര്യത്തില്‍ ഊന്നിക്കൊണ്ടാണ് ' ടൂ ഡെയ്‌സ് ' രൂപപ്പെടുത്തിയത്. പുതിയൊരു തൊഴില്‍ സംസ്‌കാരത്തിന്റെ ഉദ്‌ഘോഷമാണ് ഈ സിനിമ. ട്രേഡ് യൂനിയന്റെ പിന്‍ബലമില്ലാതെ, തൊഴിലാളിസാഹോദര്യത്തിന്റെ ആത്മബലം കൊണ്ടാണ് സാന്ദ്രയും കൂട്ടുകാരും വിജയത്തിനടുത്തെത്തുന്നത്. സാന്ദ്രക്ക് ജോലി തിരിച്ചുകിട്ടിയോ എന്ന ചോദ്യത്തിനല്ല ഇവിടെ പ്രസക്തി. തൊഴിലാളികളെ ഒരുമിപ്പിക്കാന്‍ അവള്‍ നടത്തിയ ഒറ്റയാള്‍ശ്രമം പാതിയെങ്കിലും വിജയിച്ചോ എന്ന ചോദ്യത്തിനാണ്. വോട്ടെടുപ്പില്‍ തോറ്റ് കമ്പനിയില്‍ നിന്ന് തിരിച്ചുവരുന്ന സാന്ദ്രയുടെ മുഖത്ത് വിഷാദഭാവമേയില്ല. ജീവിതത്തെ വീണ്ടും തേച്ചുമിനുക്കിയെടുക്കാം എന്ന ദൃഢഭാവമാണ് ആ മുഖത്ത് തെളിയുന്നത്.
==============================
http://www.southlive.in/mirror-media/mathrubhumi/9339
No comments:
Post a Comment